Kasenian di Desa Tegaljugul kawilang seueur rupa sareng bentukna, ngan hanjakal anu masih bertahan dugi ka kiwari kantun sababaraha hiji deui. Zaman kiwari seueur kasenian anu parantos punah kusabab eleh ku kesenian modern seperti PS, Game dingdong, Film-film DVD, Kartun dina TV jeung rea-rea deui. Diantawis kasenian ciri khas Tegaljugul nyaeta :

  1. Pencak Silat : Kasenian Pencak Silat ngarupikeun kasenian unggulan di Desa Tegaljugul, malah grup Sirung Karuhun ngarupikeun salah sahiji grup Pencak Silat anu diperhitungkeun di Kabupaten Kuningan dina setiap pasanggiri. Kiwari pencak silat ibarat tatangkalan anu hidup segan mati tak mau, disebatkeun punah tapi aya keneh ari disebatkeun aya tapi kagiatanna melempem. Kasenian Pencak Silat pernah nyongcolang prestasina waktu jaman Pak Kumis/Pa Imong / Pa Mintarja almarhum nyaeta sepuhna Bapak Udi anu ayeuna janten pewaris Pusaka Sirung Karuhun. Saena Pencak Silat dilebetkeun kana kurikulum muatan lokal ti SD dugi ka Perguruan Tinggi supados ulah punah sapertos kasenian nu sanesna.
  2. Wayang Golek : kasenian ieu ngarupikeun kasenian unggulan ti Desa Tegaljugul anu ngawitan diperkenalkeun ku Bapa Guru Almarhum. Generasi penerus wayang golek ieu aya dua nyaeta Dalang Sukra sareng Dalang Raskam, mung anu sempet nyongcolang ka mamana dugika tatar Sumedang nyaeta Bapak Dalang Sukra. Ngan hanjakal saatosna Bapa Dalang Sukra Muda ngantunkeun teu aya deui anu neraskeun.
  3. Calung : kasenian calung kiwari tinggal ngaran, teu aya anu neruskeun saprak ketua kelompok calungna Mang Kudil ngantunkeun sababaraha taun katukang. Leungitna penerus calung aya patula patalina sareng teu aya deui anu nanggap boh dina hajatan atanapi dina kagiatan agustusan. Saenamah kasenian calung dilebetkeun kana kurikulum muatan lokal di Sakola Dasar.
  4. Rudat/Genjring : nyaeta kasenian bela diri anu dikolaborasikeun jeung kasenian genjring. Kasenian ieu kiwari tos punah, teu aya generasi penerus anu neraskeun. Malah abdi oge mung terang namina hungkul, tapi ari kesenian genjring mah masih sempet ningali waktos alit. Kasenian genjring biasana sok dimaenkeun lamun bulan puasa, boh maen pasosore bari ngabuburit atawa lamun ngahudangkeun saur. Kasenian genjring anu ayeuna aya di masjid atawa tajug ukur dihirupkeun sataun sakali lamun mangsa bulan puasa, ari rudatna mah tos teu aya.
  5. Gembyung : hiji kasenian anu aya patula patalina sareng kagiatan muludan, baheula waktos abdi nuju alit kasenian gembyung diayakeuna di masjid. Peralatan gembyung bentukna meh mirip genjring tapi leuwih badag, ditabeuhna ku jalmi-jalmi sepuh bari macakeun barjanji. Kasenian gembyung kiwari tos punah kantun namina hungkul.
  6. Reog : kasenian reog kiwari tinggal ngaran, teu aya generasi penerusna. Sok sanajan aya mantan pemaen reog anu masih aya, tapi kusabab jarang anu nganggap ahirna ditinggalkeun.

4 Balesan to “Kasenian”

  1. heris Says:

    kapungkurmah abi nuju smp, sareng rerencangan sok ngiringan pencak silat dina acara tujuh belas agustus, mapagsri sareng rea deui anu sering di pentaskeun ku urang tegal jugul teh, sok kang bagja tambihan deui, kasenian naon deui anu aya di tegaljugul teh.


  2. Nyambung cariosan kang aris di luhur,leres ris waktu urang smp mah sok loba panggungeun ari acara tujuh belasan atanapi perpisahan mahasiwa anu tos PKL ti desa urang teh..tpi aya deui kasenian nu tong di hilapkeun nyaeta kasenian reog nu di pimpin ku bapa Ahmad gunaya(lamun teu lepat nami na)..teras kapungkur mah aya deui kasenian wayang golek nu di pimpin ku bapa dalang Sukra,tpi sa entos beliau(dalang Sukra) wafat eta kasenian teh ngiringan wafat oge..saleres na mah urang selaku kaula muda ngarasa isin ku tiasa ngaleunit na budaya nu aya di lembur urang teh..

  3. lemburkuring2007 Says:

    Hanjakal, wayang golek pareum nya saatosna Dalang Sukra Muda wafat teh.

  4. Ipik Zulfikar Says:

    Diantos bewara anu langkung kumplit

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s